Üstünlik Şahadatnamasy bilen sylaglamak dabarasy
Aba Annaýew adyndaky Arkadag şäher atçylyk akademiýasynyň mejlisler zalynda Döwletmämmet Azady adyndaky Arkadag şäher kitaphanasynyň
öňdebaryjy kitaphanaçylarynyň gatnaşmagynda dabaraly maslahat geçirildi. Dabaranyň başynda hoş
habaryň gelip gowşandygy hakynda bellenilip geçildi,
Hytaý Halk Respublikasynyň Hançžou Dýanzi uniwersitetiniň Arkadag akylly
şäheriniň ekologiýa taýdan arassalygy bilen tapawutlanýandygy hakynda üstünlik
şahadatnamasynyň gowşurulyş dabarasy her
bir ynsanyň bagtyny goşalandyrdy.
Arkadag şäherinde şäher hojalygyny mundan beýläk-de ösdürmek, guramaçylyk,
dolandyryş babatda amatly şertleri döretmek maksady bilen, Aşgabat şäheriniň
65ga ýerini Arkadag şäheriniň dolandyryş çägine geçirmek hakynda karar kabul
edilendigi baradaky hoş habar dabaranyň
şowhunyny hasda artdyrdy.
Aýdym-sazly dabaraly çäräniň barşynda Arkadag şäherinde
durmuşa geçirilen innowasion tehnologiýalara hem-de sanly ulgam üpjünçiligine
bagyşlanan wideoşekiller hem görkezildi. Dabaraly çäräniň
ahyrynda oňa gatnaşyjylaryň Türkmenistanyň Prezidenti Serdar Berdimuhamedowyň
adyna Ýüzlenmesi kabul edildi.
