“Hasyl baýramy-berekediň nyşany”
Döwletmämmet Azady adyndaky Arkadag şäher kitaphanasynda Hasyl toýy mynasybetli “Hasyl baýramy-berekediň nyşany” atly söhbetdeşlik geçirildi.
Hasyl topragyň keramaty, joşguny hem ylhamy. Hasyl-dünýäniň dowamaty, daýhanyň daban azabynyň miwesi. Bu ajap eýýamda Berkarar döwletimiziň bagtyýarlyk döwründe sahawatly türkmen topragy rysgal berekediň hem-de rehnediň çeşmesine öwrüldi. Bu mährem topraga yhlas etseň, oňa maňlaý deriňi döküp, zähmet çekseň ol ynsana eşret sapaly durmuş bagyşlaýar. Mukaddeslik saýylýan ene ýeriň keşbinde ýaşaýyş mukamy owazlanyp geljege ýaň salýar. Nurana zamanada ata Watanymyzyň oba hojalygyny gülledip ösdürmekde, topraga bereket nuruny beslemekde eziz Arkadagymyzyň taýsyz tagallalaryna daýanyp nusgalyk iş görkezýän ussat ýer eýeleriniň ýürekleri joşgundan hemişe bol hasyla hyjuwdan doly. Bu günki zähmetsöýer iş başarjaň halkymyzyň ykbaly göterilip, toprak sahawat nuruny çarýana ýaýýar. Bu mukaddes mekandan önýän ak bugdaýdyr, ak altyn, bol gök hem-de miwe hasyly bakja önümleri täsin görkli giden märekeli hem-de şagalaňly ak bazarlarymyzy bezeýär.
Söhbetdeşligiň, ahyrynda mukaddes topragymyzdan bol hasyl alýan babadaýhanlarymyza päk zähmetiň miwesini görmäge, bagtyýar durmuşda ýaşamaga ähli mümkinçilikleri döredip berýän Gahryman Arkadagymyza, Arkadagly Gahryman Serdarymyza jan saglyk, uzak ömür arzuw etdiler.
