“Bal süýji, baldan-da bala”
Döwletmämmet Azady adyndaky Arkadag şäher kitaphanasynda körpeje ýaş nesillerimiziň gatnaşmagynda “Bal süýji, baldan-da bala” atly aýdym sazly çäre geçirildi.
“Bal süýji, baldan-da bala” diýen pederler pähiminde halkymyzyň ynsan durmuşynyň gül-gunçalary saýylýan çagalara söýgüsi şöhlelenýär. Baldan süýji balalaryň şatlyga we bagtyýarlyga beslenen gülki seslerini işideniňde göwün argynlygyň unudylyp, köňlüň ýazylýar. Çagalar biziň geljegimizdir. Olar adamzat ýaşaýşynyň many-mazmuny, maşgala durmuşynyň bezegi, jemgyýetiň geljegi saýylýar. Durmuşymyzyň güli hasaplanylýan çagalarymyzyň geljeginiň ýagty, ýörejek ädimleriniň şowly, ylymdan we bilimden ýüki ýetik bolmagy babatda eziz Diýarymyzda hormatly Prezidentimiz Arkadagly Serdarymyzyň, türkmen halkynyň Milli Lideri Gahryman Arkadagymyzyň ýolbaşçylygynda giň mümkinçilikler döredilýär.
Berkarar döwletiň bagtyýar körpejeleri bu aýdym sazly çärede özlerinde ýatdan çykmajak täsir gallyrdylar. Türkmen halkyny baky bagtyň goýnunda ýaşadýan Gahryman Arkadagymyza, Arkadagly Gahryman Serdarymyza jan saglyk, uzak ömür arzuw etdiler.
