“Garaşsyzlyk – beýik ösüşiň gözbaşy”
Döwletmämmet Azady adyndaky Arkadag şäher kitaphanasynda Türkmenistanyň Demokratik partiýasynyň Arkadag şäher komiteti, Döwletmämmet Azady adyndaky Arkadag şäher kitaphanasy, “Arkadag” teleýaýlymy bilelikde guramagynda “Garaşsyzlyk – beýik ösüşiň gözbaşy” atly maslahat geçirildi. Maslahatyň çäklerinde Döwletmämmet Azady adyndaky Arkadag şäher kitaphanasynyň okalga zalynda baý many-mazmuna kitap sergisi gurnaldy. Bu ajaýyp sergi maslahata gelen myhmanlarda uly täsir galdyrdy.
Berkarar döwletiň täze eýýamynyň Galkynyşy döwründe türkmen halkynyň Milli Lideri Gahryman Arkadagymyzyň, Arkadagly Gahryman Serdarymyzyň ýolbaşçylygynda döwletimiziň ähli ulgamlarynda amala aşyrylýan ägirt uly işler üstünliklere beslenýär. Mälim bolşy ýaly, Watanymyzyň mukaddes Garaşsyzlygynyň 35 ýyllygynyň öňüsyrasynda, türkmen halkynyň Milli Lideri, Türkmenistanyň Halk maslahatynyň Başlygy Gahryman Arkadagymyzyň başlyklygynda Türkmenistanyň Halk Maslahatynyň Prezidiumynyň nobatdaky mejlisi geçirdi. Bu taryhy ähmiýetli waka ýurdumyzy mundan beýläk-de ösdürmäge, halkymyzyň abadan we bagtyýar durmuşyny üpjün etmäge gönükdirilen düýpli özgertmeleri amala aşyrmagyň ileri tutulýan wezipeleri girizildi. Maslahatyň ahyrynda şeýle akylly hem-de ähli taraplaýyn döwrebap şäheri peşgeş beren Gahryman Arkadagymyzyň, Arkadagly Gahryman Serdarymyzyň janynyň sag, ömrüniň uzak, döwletli işleriniň hemişe rowaç bolmagyny arzuw edildi.
